هپسنه بیرینجی روايتی :
هپسنه آی هپسنه
هپسنه بیر قوش ایدی
باغچایا قونموش ایدی
به¬ی اوغلو گورمش ایدی
اوخوينان وورموشويدئ
به¬ی اوغلوندان بئزارام
كتان كوینح یازارام
كتان كوینح میل میلی
گل اوخو بیزیم دیلی
بیزیم دیل "اورمو" دیلی
اورمودان گلن آتلار
آغزیندا داري چاتدار
تات منه داری وئردی
دارینی وئردیم قوشا
قوش منه قانات وئردی
قاناتلاندیم اوچماغا
حق قاپیسین آچماغا
حق قاپیسی كلیددی
كلید سروان یولوندا
سروان یولو مین وزر
ایچینده آهو گزر
آهونون بالالاری
منی گوردی آغلادی
ائتییمه قیغلادی
ائتییم بولوح بولوح
قورباغا دلیح دلیح
حسن بَیین نه¬یی وار
گویه چیخان آتی وار
ائوینده بیر لوتی وار
اَللی باتمان گ... وار
هپسنه ايكينجي روايتی :
قنبر گئــدیب اودونـا
قــارقـا باتیب بودونا
قارقـا دئییل قمیشدی
قمیشی وئـردیـم تاتا
تـات منه داري وئردی
دارينـي سَپدیم قـوشا
قوش منه قاناد وئردی
قـانادداندیم اوشمـاغا
حق قاپی سین آشماغا
حق قاپی سی کیلیددی
کلیــد دَوه بوینونــدا
دَوه شیروان یولونــدا
شیروان یولو سربه سر
ایچینـده میمون گَزه ر
میمـونـون بــالالاری
منی گؤردو آغـلادی
تومـانينا قـيـغـلادي
هپسنه اوچونجو روايتی :
اوستوب ایدی، ها اوستوب ایدی،
او کیشی منیم دوستوم ایدی.
گئتدی گیلانا گلمه¬دی،
یایلیغيمی آلدی وئرمه¬دی.
یایلیغیمین اوجو زیل قارا،
یوللادیم پیغمبره.
پیغمبری اؤلدوردولر،
آغ بالا گئیدیردیلر.
آغ بالانین ساچاقلاری،
گوموشدن وار بیچاقلاری.
ووردوم صاندیق آچیلدی،
اینجیلی مرجان ساچیلدی.
اینجیلی مرجان فیلفيلی،
گل اوخو بیزیم دیلی.
بیزیم دیل اورمو دیلی
اورمودان گلن آتلار،
آغزیندا یوین چاتلار.
حیوانین آغاجلاری،
بار گتیرمز باشلاری.
ووردوم باشی اوزولدو،
ائل یایلاغا دوزولدو.
ائل یایلاقدان گلینجه،
یاری جانیم اوزولدو.
حاضیرلایان : محمدرضا اسماعیل زاده